哈哈，各位！
未預備好啊龍同肥妹既故之前
我寫緊個輕鬆小品
《係車度執到部電話，令我識左個女仔》
http://forum7.hkgolden.com/view.aspx?type=SY&message=4616106
大家又可以追文啦！多謝支持！！
《係車度執到部電話，令我識左個女仔》(1)
事源於昨天，正當我鼓起勇氣，大嗌「司機有落」之際，突然間，傳來「鈴！鈴！鈴」的聲音，
因為前天看了鬼片《咒怨》加上成車除左司機之外，得我一人，所以我驚得閉起雙目。
「執左部電話去賣啦！」
「唔得！犯法架！」
「你唔執，第二個都執啦！」
「唔好啦...」
「益自己好過益個司機啊！」
我的腦海，不停有兩把聲出現，不過，我不是敗給魔鬼的引誘，而係天使既憐憫心，我都唔見過電話，我知道打番去，俾人cut線既感覺，係幾咁嬲。
於是，我拎起左部手機，聽左。
「喂？你好啊！我執到你部........」
「嘟...嘟...嘟....嘟...」
搞錯！居然收線？
「哥仔！總站仲唔落車，唔好阻住我收工啊！$%^%#^$」
如是者，我一手拎住個部手機，一邊被司機問候，就又要係總站行番去了.....
我行過一間又一間電話鋪，良心仍然堅持叫自己唔好亂黎，但係電話有密碼鎖住左，我打唔番俾佢，於是我只好拎番屋企先，等電話既主人拎番...
番到屋企後，我將部電話放係床頭，等佢打黎先再算，就去打機了...
突然，電話響起，不過係我部電話.....
「喂？」
「係我啊，啊Kent啊！」
「咩事啊？」
「聽日出黎打波啊？」
「我未必得閒啊！」
「你有野做架咩，咪又係係屋企打機...」
因為啊kent 係我無所不談既好兄弟，佢份人有d小聰明，雖然把口係衰啲...但係佢可能幫到我...所以我決定話俾佢知...
「啊Kent ....... 我執到部電話！」
「你個衰仔！又俾你咁好彩既，拎黎等我幫你Trade走佢啦！我地咁Friend，最多你六我四！」
果然，佢真係立心不良.....
「唔得！你識我咁耐，雖然我毒，爸爸細細個就教我路不拾遺！我一定要親手俾番個主人。」
「講咁多...你九我一都好啊！」
「唔得！」
「地上執到寶，問天問地羅唔到！鬼叫佢自己唔小心咩！黎啦！賣左佢啦，好唔好啊？」
「唔得！再講就無Friend做！」
「Well...Ok...Fine...唔賣囉唔賣囉！ 大偉人，咁你仲唔打番俾人！」
「我都想，但有密碼lock左...」
「Easy 啦，聽日我幫你解鎖！Okay?」
「你點會咁好死」
「Well...可能係靚女呢？」
我都知佢無咁簡單....不過鬼叫自己唔識開機，佢又唔打番番黎....唯有靠你啦...
「咁聽日仲打唔打波。」
「緊係唔打啦！分分鍾要留力打友誼波！oush！」
「痴線，聽日見啦！」
「拜！」
如是者，一直個部電話都無再響過...我放係床邊，望了幾眼，就睡覺了....
唔知個主人係咩人黎架呢？
(待續)
Search